AlexVella Gera

1.

Bijografija

Kwistjoni marbuta maċ-ċensura rrendiet lil Alex Vella Gera, li twieled fl-1973, enfant terrible tal-letteratura Maltija lejn tmiem l-ewwel deċennju tas-seklu 21, imma r-rumanz li segwa dan l-episodju qajla żamm lura xorta waħda.

Mur fil-biblijografija

Is-Sriep Reġgħu Saru Velenużi (Merlin Publishers, 2012) – storja li tvarja mid-dnubiet tal-missier, hu u jaħrab mit-80ijiet imqallbin, għall-ewwel snin tas-seklu 21 ta’ wara d-dħul ta’ Malta fl-UE, bil-fulkru tagħha l-attentat tal-assassinju fittizju tal-Prim Ministru rivoluzzjonarju Malti ta’ wara l-Indipendenza Dom Mintoff – kien l-ewwel ktieb li Vella Gera ppubblika b’mod konvenzjonali. Dan ġie ppubblikat mill-Merlin u rebaħ il-Premju Nazzjonali tal-Ktieb fl-2013. Ġie addattat ukoll għal film u ħareġ fis-sajf tal-2021.

Is-Sriep immarka bidla għall-awtur li x-xogħlijiet preċedenti tiegħu kollha ppubblikahom hu stess – mill-antoloġija kollaborattiva ta’ poeżija Ħbula Stirati (2007) sal-ġabriet ta’ novelli Lil Hinn Mill-Jien (2009) u Żewġ (2009), u anke r-rumanz debutt tiegħu L-Antipodi (2010). Din kienet mogħdija mwittija kemm mill-etika li għandu jagħmel ix-xogħol hu stess, imrawma fih minn żmienu bħala mużiċist tal-indie rock għall-grupp Hunters Palace, u anke mill-istabbiltà finanzjarja ta’ impjieg bħala traduttur mal-Unjoni Ewropea. Minħabba dan l-impjieg hu mar joqgħod il-Lussemburgu fl-2005, u mbagħad mar Brussell, fejn għadu joqgħod u jaħdem sal-lum il-ġurnata.

Imma forsi l-aktar mument memorabbli tal-karriera ta’ Vella Gera bħala kittieb kien fl-2009, mal-pubblikazzjoni tal-istorja “Li Tkisser Sewwi” fil-gazzetta tal-istudenti Ir-Realtà, editjata minn Mark Camilleri. Din il-kitba, li b'mod espliċitu u għalkollox dirett iddaħħal lill-qarrej f'moħħ xufier tal-karozzi tal-linja sessist u vvizzjat bis-sess, ġiet f'kunflitt mal-liġijiet taċ-ċensura f'Malta, u għal ftit ma bagħtitx lil Vella Gera u Camilleri l-ħabs. Madankollu, il-każ kien punt kruċjali għat-tentattiv (eventwalment ta’ suċċess) biex il-liġijiet antikwati Maltin fuq iċ-ċensura, id-dagħa u l-oxxenità jinbidlu xi snin wara, kif riedu l-partijiet affettwati fix-xena teatrali, persuni oħra fil-qasam kulturali u attivisti u ċittadini mħassbin. L-akkużi kontra Vella Gera u Camilleri twaqqgħu kollha fi Frar tal-2012.

U għalkemm wara ftit xhur feġġ Is-Sriep Reġgħu Saru Velenużi, li b’kumbinazzjoni ħareġ xahrejn eżatt wara li verament miet Dom Mintoff – Vella Gera jgħid li r-rumanz Trojan (2015) huwa l-aktar ta’ rispons dirett għall-kritiċi tiegħu u għal dawk kollha li appoġġjawh f’dil-biċċa xogħol. Vella Gera ilu mill-2015 ’l hawn jaħdem fuq ‘żewġ rumanzi kbar’.

Miktuba minn Teodor Reljić u maqluba għall-Malti minn Sephora Francalanza

2.

Biblijografija

Trojan

Proża
Malti
Kitba
Premjijiet
Rebbieħ tal-Premju Nazzjonali tal-Ktieb
Pubblikazzjoni
Klabb Kotba Maltin, Malta
Xogħlijiet marbuta

طروادة

Proża
Għarbi
Kitba
Traduzzjoni
Mahab Naji
Pubblikazzjoni
Dar Mahrousa, l-Eġittu

Troyano

Proża
Spanjol
Kitba
Traduzzjoni
Antoine Cassar
Pubblikazzjoni
Libros de Mentira, iċ-Ċili

Is-Sriep Reġgħu Saru Velenużi

Proża
Malti
Kitba
Premjijiet
Rebbieħ tal-Premju Nazzjonali tal-Ktieb
Pubblikazzjoni
Merlin Publishers, Malta
Xogħlijiet marbuta

الثعابين مازالت سامة

Is-Sriep Reġgħu Saru Velenużi
Proża
Għarbi
Kitba
Traduzzjoni
Walid Nabhan
Pubblikazzjoni
Dar Mahrousa, l-Eġittu

Silta / Excerpt

f'"Wara Settembru"
Proża
Sloven
Kitba
Traduzzjoni
Boris Jukič
Editjar
Immanuel MifsudPeter Semolič
Pubblikazzjoni
Antologie Vilenice, is-Slovenja

L-Antipodi

Proża
Malti
Kitba
Pubblikazzjoni
L-Awtur

Lil Hinn Mill-Jien

Proża
Malti
Kitba
Pubblikazzjoni
L-Awtur

Żewġ

Proża
Malti
Kitba
Premjijiet
Rebbieħ tal-Premju Nazzjonali tal-Ktieb
Pubblikazzjoni
L-Awtur

BXL2008

Skritt ta' film
Malti
Kitba
Direzzjoni
Alex Vella Gera

Il-qalziet tan-nannu

Skritt ta' film
Malti
Kitba
Direzzjoni
Alex Vella Gera

Minsi

Skritt ta' film
Malti
Kitba
Direzzjoni
Alex Vella Gera

Ħbula Stirati

Poeżija
Malti
Kitba
Pubblikazzjoni
L-Awturi
Bl-appoġġ ta'

Il-Kunsill Malti għall-Arti

Il-Pjattaforma għall-Industriji Kreattivi

Kordinatriċi tal-proġett: Clare Azzopardi

Bl-għajnuna ta': Kirsty Azzopardi, Leanne Ellul u Albert Gatt

Qarrej tal-provi: Dwayne Ellul

Immaniġġja l-preferenza tal-cookies